كل يوم الرئيس
ونظامه وجماعته بيصدروا للشعب المصري الإحباط من مفيش فلوس مفيش غاز مفيش كهرباء وختمها
بالتنسيق مع أثيوبيا فيلم الموسم لإلها الشعب المصري وهو مشروع سد النهضة ، وتحويل
مجرى النيل الأزرق !!! يعني : مفيش مياه !!! علشان الشعب يتلهي على عينه ويقول : لا
تمرد ولا تجرد إحنا نعلن الحرب على أثيوبيا !!! وننشغل بالرأي العام الدولي وهاتك يا
سفريات هنا وهناك وأمريكا وإسرائيل ، وبعدين سحب ثقة إيه من الرئيس ؟ !!! وتمرد إيه
؟ !!! ياريس دي لعبة كبيرة إنت أول واحد هتروح فيها ، الشعب المصري بيفهم الفيلم من
أوله ، خاصة لما يكون البطل معروف والمخرج معروف والإنتاج معروف !!!! يعني محاولة إحباط
الشعب وتسليمه بالأمر الواقع دي لعبة خطيرة ، هتعجل بسحب الثقة منك ، لأن الخراب اللي
حل على مصر أنت شريك أساسي فيه ، وزي ما خلصت فيلم السبعة المختطفين وفيلم أزمة الكهرباء
من أولها كده إلغي فكرة فيلم سد النهضة في أثيوبيا !!!! عامة إنت حُر !!! وإذا كان
هدفك إحباط الشعب ... فالشعب المصري هو الذي أحبط الإحباط !!! يعني من الآخر الكلام
ده مش هياكل معانا !!!!!!!!!!!!!!!!!!!!!
ليست هناك تعليقات:
إرسال تعليق