ياتري يامصر
هتروحي بينا لفين
شهر 6 يوم 30
دول ودول مستحلفين
التمرد والتجرد
المعارض والمؤيد
النصاري والمسلمين
وإحنا بينهم كلهم
بقينا في الرجلين
ضايعين
زي الديوك واقفين
لبعض
جبهة بتشتم وجبهة
ترد
كله عشان الكرسي
يحارب
مايهمهمش أي حد
وإحنا خلاص مش
عارفين
مصر يومها هتروح
لفين
المشكلة يامصر
في حاجة
أنك ناسية أنك
محتاجة
لواحد يكون بصفات
زعيم
يقدر يلم الشعب
كله
ويلغي قصة التقسيم
لا ليه حزب ولاجماعه
حزبه وجماعته الشعب
العظيم
يقف وكل الشعب
وراه
ينوي يطهر ونبقي
معاه
وننضفها من الطامعين
أياً كان هما مين
وتبقي مصر ملك
حقيقي
لكل ولادها المصريين
يعني نقول كده
م الآخر
مصر عايزة صلاح
الدين
مصر عايزة واحد
وطني بجد
بيحبها هي أكتر
من أي حد
واحد يمشي وسط
الناس
من غير هيصة ولا
حراس
واحد يكون منهم
ويفضل عايش وسطهم
ساعتها نشيله فوق
الراس
من غير دا يا مصر
هنفضل
في حيص بيص دي
عايشين
وهتفضلي عايشة
بأزماتك
لحد مايجي ميعاد
مماتك
وإحنا هنفضل كده
تايهين
أصل أنا خوفي منها
لعبة المصالح وشرها
عشان مصر اللي
بيغنولها
ماحدش فيهم بيحبها
كله واقف عينه
ع التورتة
عايز ياخد أكبر
خارطة
أو ياخدها كلها
وياتري رايحة بينا
لفين
شهر 6 يوم 30
ليست هناك تعليقات:
إرسال تعليق