إحنا جيل مفيش
أى سبب يخليه يحب البلد دى ، ومع ذلك ممكن يموت عشانها ،
احنا جيل بيقول
للحاكم : قــــــــــــوم ومش هاقعد مطرحــــك ،
احنا جيل لا اتغذى
كويس ولا اتعالج كويس ولا اتعلم كويس لكن بيفكــــر كويس ،
احنا جيل شكله
هيخلص ومش هيلحق يحكى حاجه للجيل اللى جاي ،
احنا جيل بيحــــارب
علشان أولاده .. اللي لسه ما خلفهمـــش ،
احنا جيل كسر حاجز
الخوف اللي محدش قدر يكسره من 60 سنه ،
احنا جيل اتربى
على التليفزيون المصرى وبرضة متأثرش بيه ،
احنا جيل جزء منه
ربنا يشفيه وجزء ربنا يرحمه وجزء ربنا يفك سجنه وجزء ربنا يستر عليه ،
احنا جيل بيخاف
من اهله اكتر ما بيخاف من ضرب النار ،
احنا جيل إمامه
الشيخ عماد عفت و يحمل رايته مينا دانيال ،
احنا الجيل اللى
حظر التجول على الداخليه ،
احنا جيل راح ماتش
كورة مات ،
احنا جيل بيجرى
ويتسابق ورا قنبلة الغاز ،
احنا جيل بيكتب
وصيته ويطلع شهادة وفاته قبل قسيمة جوازه ،
احنا جيل حُـــــــــــــــــــــــــــــــــــــــر
، ولو حتي شاف المـر ..
ليست هناك تعليقات:
إرسال تعليق