شوفتى يا مصر ازاى
الكرسى
غير طبع الريس
مرسى
قالك قاعد مهما
حايحصل
وانتى تمللى يا
مصر بتنسى
رغم القتل ماشوفناش
جانى
زمن العادلى رجع
من تانى
رجعت برضه الشرطة
تعذب
والتقرير تفصيل
فى ثوانى
ارحل عنده ماهياش
ثورة
ولا دى مطالب الناس
الحرة
ارحل راى لقلة
قليلة
مش علشانهم حاطلع
بره
شايف اللى ماحدش
شايفه
وكل الحاصل قاريه
وعارفه
ولا فيه بديع ولا
فيه الشاطر
وكل تصرف كان ليه
ظرفه
وجع الناس قال
ايه بيحسه
سامع شعبه حتى
فى همسه
بس زمان الناس
سرقونا
بس الوضع انا قاريه
ودارسه
قال بيقول احنا
فى حرية
طب والنبى تلطمى
يا بهية
قولى الحاصل جوة
سجونهم
وبيتصالحوا مع
الحرامية
عم هولاكوا انسب
بكتير
علشان كده تم التغيير
اصل جمال الدين
ماقتلش
لكن هيمه مافيش
تفكير
قفلوا المترو وقفلوا
مجمع
ياللى بعيد قربلى
حاتسمع
مش ايام الثورة
اتقفلوا
والاقسام كانت
بتولع
لاء والاغرب شوف
قنديل
نابغة مالوش ولا
اى بديل
بكرة حايعمل حاجة
جديدة
لما يملح نهر النيل
فيه رئيس وزرا
يقول اسهال
ومافيش رد لاى
سؤال
تسأل ايه مشاريعك
بكرة
تلقى ردود ماتجيبش
ريال
وانتخابات والناس
جعانين
واحنا يا ريس بنى
ادمين
عايزين لقمة عيش
وخلاص
مش عايزين ناكل
بالدين
بص ادينا بقت بطالة
نفس الايد دى كانت
شغالة
زرعت ياما وصنعت
ياما
لما حالتهم صبحت
حالة
هو سؤالى وبس يا
دكتور
معنى كلامك ربنا
يستر
هو كلامك كان له
فايده
لجل مانسكت حبة
ونصبر
فاضل حبة وكله
يموت
والاخوان بس اللى
تفوت
واللى حاينطق قطع
لسانة
علشان جوعه حايمحى
الصوت
واهو مستنى لاخر
المدة
ولا راح ينفع لين
ولا شدة
قاعد قاعد مهما
حايحصل
والاخوان بيعدوا
العدة
ربنا يستر والله
يا بلدى
ترجعى تانى تروقى
وتهدى
زى سحابة صيف فى
سماكى
مهما تطول برضه
تعدى
ليست هناك تعليقات:
إرسال تعليق