بقالي كام يوم
بتابع تصريحاتك ، ومن الواضح انك بتمهدي لدخول امريكا عسكريا في مصر ، اذا كانت حكومتك
وافقتك علي فكرتك بحرب عسكريه ضدنا فدي تبقي مصيبه ، مصيبه لما اكبر واعظم دوله في
العالم يحكمها مجموعه من "معدومي الخبره تنتابهم من وقت لاخر هلاوس سمعيه وبصريه".
مقدرش انكر تفوق
الجيش الامريكي بالسلاح علي الجيش المصري ، ومقدرش انكر انكم ممكن تدخولو مصر ، لكن
العبره مش بالبدايه العبره دايما بالنهايه.
السؤال الل لازم
تسأليه لنفسك :لو دخلنا مصر هنقعد فيها قد ايه وهنخرج منها ازاي؟ وممكن ارد عليكي:
هتقعدو فيها كام شهر وهتخرجو منها علي مدافن الصداقات.
مصر هي الل علمت
العالم يعني ايه حروب ، مصر هي الل علمت الدنيا بحالها يعني ايه جيش نظامي وخطط وتكتيكات
، وبالرغم من مرور الاف السنين علي تاريخنا وحضارتنا لكننا مفقدناش حاجه واحده بنتفطم
عليها وتتربي فينا وهي حبنا وعشقنا لتراب بلدنا.
اسمحيلي اديلك
شويه معلومات يمكن تنفعك وانتي بتفكري وتخططي لهلاك "الجيش الامريكي":
- في حرب 73 تمكن
الشهيد العريف "سيد زكريا خليل" من قتل 22 جندي اسرائيلي لوحده ،،، محدش
كان يعرف حاجه عن سيد غير الجندي الاسرائيلي الل قتله ، والل اصبح سفير اسرائيل في
المانيا ، فضل السفير الاسرائيلي كاتم سر استشهاد سيد طوال 23 سنه وكانو اهله فاكرينه
مفقود في الحرب ومكنوش عارفين انه استشهد الا من شهاده السفير الاسرائيلي ، وسلم السفير
الإسرائيلي متعلقات البطل المصري الى السفير المصري وهي عبارة عن السلسلة العسكرية
الخاصة به وجواب كتبه الى والده قبل استشهاده ، وقال الجندي الاسرائيلي السابق انه
ظل محتفظا بهذه المتعلقات طوال هذه المده تقديرا لهذا البطل ، واطلق عليه اسم
"اسد سيناء" ، وانه بعدما نجح فى قتله قام بدفنه بنفسه واطلق 21 رصاصة فى
الهواء تحية للشهيد سيد ..وقال السفير الإسرائيلي "انه كان مذعورا من هذا الشخص
الذي يقتل رفاقه واحد ورا التاني ومكنش مصدق انه شخص واحد بس مش كتيبه من المصريين
... وانه كان خايف وفضل مستخبي لغايه لما جتله الفرصه لقتل العريف سيد" .
- الشهيد الطيار
طلال سعد الله الل فجر طيارته فوق موقع لصواريخ هوك الاسرائيليه واباد كل من كانو في
الموقع واستشهد .
رسولنا الكريم
قال إذا فتح الله عليكم مصر بعدي، فاتخذوا فيها جنداً كثيفاً، فذلك الجند خير أجناد
الأرض" قال أبو بكر: ولم ذاك يا رسول الله؟ قال: " إنهم في رباط إلى يوم
القيامة"، بعدها جه هتلر وقال "اعطوني عقل الماني وماكينه انجليزي وجندي
مصري وانا احتل العالم" ، ودي شهاده هتلر داهيه الحرب في العصر الحديث .
طب ده الجيش المصري
، نشوف بأه الشعب المصري:
- لما قامت حرب
73 انور السادات فتح باب التطوع في الجيش ، فنزل "مطاريد الجبال في الصعيد"
وانضمو للجيش المصري ، مفكروش انهم شويه مجرمي هاربين من العداله ، وانهم ممكن يتقبض
عليهم بعد الحرب ، لكن كان كل همهم انهم يحرروا مصر من الاحتلال ، وبعد الحرب انور السادات
ردلهم الجميل بالاعفاء عنهم واسقط عنهم كل العقوبات.
- سنه 67 لما الجيش
الاسرائيلي وصل علي ابواب القاهره ، قائد الجيش الاسرائيلي بعت رساله لوزير الدفاع
موشي ديان وقاله "انا علي اعتاب القاهره" رد عليه ديان "اوقف عندك ،
انت حاربت الجيش المصري وهزمته لكن لو دخلت القاهره هتبقي بتحارب الشعب المصري وساعتها
هنخسر كل المكتسبات الل خدناها في سيناء".
خليكي فاكره ان
انتو دخلتوا بغداد بصفقه مع الجيش العراقي عملتها كونداليزا رايس وبعد تهديد دونالد
رامسفيلد بضرب بغداد ب "ام القنابل" ، يعني مش بقدره وقوه الجيش الامريكي.
جيشكم بارع جدا
في سلاح الطيران لكنه لا يضاهي الجيش المصري علي الارض والدليل علي كده حرب تحرير الكويت
، انتو ضربتو صدام من السماء وجيشنا دخل الكويت بريا وحررها من احتلال العراق.
الجندي بتاعكم
مرفه جدا متعود علي كل سبل الراحه ، والجندي بتاعنا متعود علي كل طرق الشقاء ، جنودكم
بتنام في معسكرات مكيفه وجنودنا بتنام في العراء ، جنودكم بتركب الهامر وجنودنا بتمشي
علي رجليهم 450 كيلو ، جنودكم بياكلو الكافيار وجنودنا بياكلو التعابين والفيران ،،
طب ياتري لو الاتنين دول اتواجهو مين فيهم الل هيكسب؟ المدلع ولا الشقيان؟
لو فكرتوا تدخلو
مصر كل المصريين بلا استثناء هيحطو ايديهم في ايدين بعض ، السلفي مع العلماني ، المسيحي
مع الاخواني ، الستات مع الرجاله ، المجرمين مع الشرطه ، كل دول هيتحدوا علي هدف واحد
وهوه التخلص منكم باسرع ما يمكن وبكل الطرق المتاحه والممكنه ،
لاننا اتربينا
علي ان تراب مصر للمصريين وعشنا علي كده الاف السنين ، واتعرفت مصر في التاريخ
"بمقبره الغزاه" ، لا بنقبل ولا هنقبل بوجود محتل علي اراضينا وهنفضل نقاوم
ونقاوم الي ان يكون النصر حليفنا.
ياريت تبطلي بأه
احلام توصلكوا للهلاك ، وياريت اوباما ياخد عظه وعبره من كلينتون ، مش هقول من جون كنيدي
لانه مش هيجي زيه مره تانيه في العالم كله ، كنيدي كان بيقدر الانسان ومكنش عنده اي
استعداد انه يهدر نقطه دم واحده من اي بني ادم علي وجه الارض ، يجي بعده كلينتون ال
قرر انه يسحب جيشه من الصومال بعد مشاف الصومالين وهم بيسحلوا ظابط امريكي علي الارض
بعد قتله ، عرف انه بيعرض جيشه ورجالته وسمعتهم للضياع وعشان كده سحبهم بسرعه وخرج
من القرن الافريقي غير نادم علي حفاظه علي حياه جنوده .
دخول مصر مغامره
غير محسوبه لان عواقبها هتكون وخيمه عليكو وهتعرض جيشكم لاكبر اهانه وفشل في تاريخه
، هتكون متساويه في الفشل او اكتر شويه من حربكم في فيتنام ، وعشان كده بقولك احترسي
يا اموره وبلاش تدخلي في المصيده برجليكي ، وخليكي دايما فاكره ان الجيش العراقي مش
زي الجيش المصري ، واذا كانو قبلوا انهم يسلموكوا مفتاح بغداد فجيشنا هيسلمكو لعزرائيل
وهنرمي جثثكم في مدافن الصداقات غير مأسوف عليكم بالمره ..
اعتبري ده تحذير
شديد اللهجه يا حلوه ، وابقي اتغطي قبل ماتنامي عشان تحلمي احلام ،،،علي قدك .
ليست هناك تعليقات:
إرسال تعليق