أصحي وقومي وكفياكِ نوم
ياللي فسادك بفي بالكوم
أنتِ نايمة وسايبة عيالك
بيبكوا م اللي وصل ليه حالك
قومي دا النوم مابقاش ليه لزوم
عيالك كرهوا النوم في أحضانك
عشان مابقوش حاسين بحنانك
ماهو أبنك من حبك محروم
أبنك جالك عشان يشكيلك
أخواته قالوله يجي يحكيلك
لما شافوا أنه مظلوم
مشي من عندك ليه ندمان
زاد الهم وبقي زعلان
ماش يقول ياريتني ماجيتلك
ولاقعدت معاكِ وحكيتلك
رجعتيه حزين مهموم
وشيلتيه تل هموم
قال توبة أشكيلك بعد اليوم
دانتِ ضميرك بقي معدوم
ولادك فقدواأملهم فيكِ
ومافيش حاجة هتشفع ليكِ
ولانافع فيكِ عتاب ولا لوم
أمسحي بقي دمع التماسيح
وارمي سبحة التسبيح
كل شئ بقي مفهوم
أنتِ نومك دا بمزاجك
وأنتِ رافضة تاخدي علاجك
وفرحانة أوي إن فسادك
بقي بيزيد يوم عن يوم
ليست هناك تعليقات:
إرسال تعليق