المشهد المصرى!!!!!

الأقنعة تساقطت و تمزقت ثم تمرمغت في التراب و بعدين لبسوها تاني، فأصبحت الصورة و الرائحة مقززة للغاية. كل واحد مستعد يبيع أي مبادئ في مقابل مصالح ، ويمكن الموضوع سهل عشان أساسا ما كانش عنده مبادئ.

وكل واحد ما عندوش مشكلة يكدب و يغير مواقف، لأن الناس بتنسي، ولو افتكرت هيرد عليها و يقولها ( لا تعايرني ولا أعايرك، الهم طايلني و طايلك). كلهم صنف واحد.

والثوار الحقيقييون طلعوا الشعب المصري العادي ( مش الحكومة ولا المعارضة و لا المتظاهرين ولا المعتصمين ولا الاعلاميين و لا ضيوفهم الشتامين و المتحذلقين ولا اللي وراهم من الممولين). مش ممكن كم الغباء و العناد.

عاملين زي النكتة السخيفة القديمة بتاعت الراجل اللي خد 30 قلم على سهوة.

مش قادر أستحمل و لا أحترم أي حد بيتكلم أو بيبرر أو بيتظاهر أو بيضرب أو بيشتم. الثورة مش هتموت باذن ربك اللي سهلها و نصرها، لكن مش دول اللي هيحققوا أهدافها ولا هيحموها.

و قل اعملوا فسيرى الله عملكم .