من غير لف ولا دوران .
ومن غير ما أبص لورا أو قدام .
عمرك يامصر ماهتتبنى بالأحلام .
ولاهنعمرك بالتوك شو والكلام .
مصر عايزة إيدين جريئة عارفه يعنى إيه بنيان .
مش واحد بيتكلم كلام فى التوهان .
ولا قاعد فى التكيف سقعان .
والشعب فى وادى تانى شقيان .
وعلى لقمة العيش بيجرى تعبان .
فى عزالبرد شغال وفى الصيف ما بيكنش حران .
عارفيين ليه علشان المصرى بحب مصر ولهان .
بيغنى على إسمها وبيعزف عليه ألحان .
حب مصر مش بس كلمة أو عنوان .
مصر فى الدم هى أكبر شريان .
كفاية كدة ولا أقول كمان .
ليست هناك تعليقات:
إرسال تعليق