و ما أشبه الليلة بالبارحة !!!!
نفس ما كان يحدث أيام مجلس العار ! كل يوم موضوع و اشتغالة و حرقة دم و اتلهي يا شعب و نعمل إحنا اللي عاوزينه . أيام مجلس العار إلحق طنطاوي عاوز يبقي رئيس لأ ده عمر سليمان حازم أبو اسماعيل أمه أمريكية لأ دي مؤامرة !! شفيق و لا مرسي !!! ضرب سحل إعتقال و قتل و ....... و لا ننسي طبعا العامل المشترك بين الطغاة جميعا اللعب علي وتر الفتنة الطائفية حلوان و شبرا و امبابة و ماسييرو و ادي !!!! ) مرسي بقي و عصابته : حيأجروا قناة السويس و بعدين الآثار ، البالون اتحرق عن عمد و كل يوم ناشط مقبوض عليه و هوب يجري الكل علشان يطلع ووقفات و مسيرات و العصيان و ماله كمل عصيان يا ابني انت و هو و أهو منها الناس تنشغل بأخباركم و ناس تانية تنقُم عليكم أنكم موقفين حال البلد و أهو عصفورين بحجر واحد !!!!!.... و إحنا نهري و نشتم و نتعصب ( و عندنا حق علي فكرة ) ( أيام المخلوع طبعا الفتنة الطائفية و الكرة ) لكن المهم ان إحنا بنبعد عن أصل المشكلة كعادتهم جميعا من أجل تمرير خطتهم اللعينة و الوصول لهدفهم . هما هنا اللي يهمهم أخونة كل مفاصل الدولة و إحنا شغالين هري و حرق في أعصابنا و تمرير برلمان العار لإضفاء مزيد من الشرعية علي وجودهم و إحكام السيطرة كاملة . الجيش بقي نازل مش نازل نفسي الناس تصدق ان اللي بياخد القرار ده ماما أمريكا فبالتالي نفسي الناس تركز إن مهما حصل و الله البلد لن تقم لها قائمة إلا بأحرارها و بشعبها الحر . أرجوكم كفانا تقليل من قوة الشعب و إرادته و كفانا جري ورا أوهام مين ينجح في الانتخابات أو حتي نقاطع و لا لأ ( مع أني واحدة من المقاطعين من أيام برلمان العار ) مطلب واحد فقط هو الذي سيحقق لنا ما قامت من أجله ثورتنا العظيمة (((( الشعب يريد إسقاط النظام )))) و علي فكرة أهم وسيلة سلمية لتحقيقه هو العصيان المدني الكامل بس في جميع أنحاء الجمهورية . فلتحيا مصر الثورة بأحرارها
ليست هناك تعليقات:
إرسال تعليق